نام يا شعب ونامي يا حكومة ننة هو
خليكي نايمة في الخط ومتعمليش حاجة يا حكومة
وإنت يا شعب خليك مستني وقول أنا طبقة ضعيفة محكومة مهضومة محرومة
خلينا كلنا نايمين سلبيين ساكتين علي بعض اللوم والهم راميين
لحد ما نصحي تاني علي صوت إنفجار عربية ملغومة
نام يا شعب ونامي يا حكومة ننة هو
من زمان شاوروا عالخطر وقالوا جاي من النحيادي أهو
قالوا هنبني وأدينا بنينا السد العالي
بس الناس اللي هتشرب واللي هتزرع راحوا في شربة مية يا هو
رفعوا المئذنة رفعنا القبة ، حطوا ميكروفون دقينا جرس
هي الحكاية حرب ولا مناظرة ولا خناقة
شتيمة شتيمة وقلة قيمة نكونش نسينا ؟
إن ده بيت ربنا وإحنا مجرد عبيده مش حتي علي بيته حرس
لأ ... يا إحنا يا هما ... يا هما يا إحنا ... جتنا خيبة
بالذمة مش عيبة ؟
مين فرق ؟ من قسم ؟ مين قال أنا حلو وإنت وحش ؟
لأ ... هو دق صليب يبقي أنا لازم أتحجب وأعمل زبيبة
شيل سنة ساتة شيل سنتين
أمم مدرسة مدرستين
علي في مبني وذود فصل
وإنسي تشوف كتاب الدين
إبني في مستوصف إبني في نادي
وقول ده عام لكل ولادي
بس متنساش جوة المبني
تعمل جامع زي العادي
إعمل شركة وسميها كروس
وفي الأبليكيشن ركز وبص
زي ما يعملوا هما أنا هعمل
هشغل إبن كنيستي وبس
حط صليب وهلال في ماديلية
وقول تاني يوم هاتولنا كاميليا
دي كدبة كبيرة أصل الكل
عايز يكون في البلد دي الأسطي ... مش بلية
ليست هناك تعليقات:
إرسال تعليق